ساہیوال ایجوکیشنل ٹرسٹ کے زیرِ انتظام چلنے والے معروف تعلیمی ادارے ڈویژنل پبلک سکول (DPS) مین کیمپس نے اپنے نئے کیمبرج کیمپس کے لیے تعلیمی سیشن 2026-27 کے لیے اساتذہ کی آسامیوں کا اعلان کر دیا ہے۔ یہ بھرتیاں تین سالہ قابلِ توسیع کنٹریکٹ کی بنیاد پر کی جا رہی ہیں۔
آسامیوں کی تفصیلات
سکول انتظامیہ کی جانب سے کل 17 مختلف آسامیوں کے لیے درخواستیں طلب کی گئی ہیں جن میں درج ذیل مضامین شامل ہیں:
بنیادی مضامین (Core Subjects): انگلش (04)، اردو (03)، ریاضی (02)، فزکس (02)، بیالوجی (01) اور کیمسٹری (01)۔
دیگر مضامین (Non-Core Subjects): جغرافیہ (01)، سوشل سٹڈیز (01)، فائن آرٹس (01) اور اسلامیات (01)۔
اہلیت کا معیار
تعلیم: متعلقہ مضمون میں کم از کم 16 سالہ تعلیم (ماسٹرز یا مساوی ڈگری)۔
تجربہ: کسی مستند تعلیمی ادارے میں پڑھانے کا کم از کم 3 سالہ تجربہ (کیمبرج سسٹم میں پڑھانے والوں کو ترجیح دی جائے گی)۔
عمر کی حد: 21 سے 45 سال۔
طریقہ انتخاب اور برٹش کونسل ٹیسٹ
ادارے نے انتخاب کے عمل کو شفاف اور بین الاقوامی معیار کے مطابق بنانے کے لیے برٹش کونسل کے تعاون سے "انگلش سکور” ٹیسٹ لازمی قرار دیا ہے۔ (اردو کے اساتذہ اس ٹیسٹ سے مستثنیٰ ہوں گے)۔ ٹیسٹ پاس کرنے والے امیدواروں کو ہی تدریسی مظاہرے اور انٹرویو کے لیے بلایا جائے گا۔
درخواست جمع کروانے کا طریقہ
امیدوار اپنی درخواستیں بمعہ ضروری دستاویزات (تعلیمی اسناد، شناختی کارڈ کی کاپی، تجربہ سرٹیفکیٹ اور تصاویر) 16 فروری 2026 شام 5 بجے تک ڈی پی ایس مین کیمپس ساہیوال میں جمع کروا سکتے ہیں۔ درخواست فارم سکول کی ویب سائٹ www.dpssahiwal.edu.pk سے ڈاؤن لوڈ کیا جا سکتا ہے۔ منتخب اساتذہ کی جوائننگ اپریل 2026 میں متوقع ہے۔
